АКТЮБИНСКИЙ КОЛЛЕДЖ ТРАНСПОРТА,
СВЯЗИ И НОВЫХ ТЕХНОЛОГИЙ

Ақтөбе көлік, байланыс және жаңа технологиялар колледжінде өткен жыл сайынғы дәстүрлі «Директор кубогі-2025» спорттық сайысы биылда ерекше жаңалықтармен өтті.
Мемлекет басшысының халыққа арнаған жолдауында айтылған салауатты өмір салтын қалыптастыру тапсырмасына сәйкес, колледж педагогтері арасында спортқа деген қызығушылықты оятып, бұқаралық спортты дамыту мақсатында ұйымдастырылған сайыс волейбол, тоғыз құмалақ және үстел теннисі ойындары бойынша «Жылжымалы құрам және коммуникация», «Әкімшілік», «Тасымалды ұйымдастыру және автоматика», «Автоматтандыру және робототехника», «Байланыс және электротехника» бөлімдерінің спорттық командалары арасында тартысты бәсекелер болды!
Екі күнге созылған сайыс нәтижесінде жалпы командалық есеп бойынша жеңімпаздар:
I-орынды және директор кубогін Автоматтандыру және робототехника бөлімі,
II-орынды «Жылжымалы құрам және коммуникация» бөлімі,
III-орынды «Байланыс және электротехника» бөлімінің командалары иеленді.
Жеңімпаздар мен жүлдегерлер, арнайы номинациялар бойынша кубок,колледж басшысының алғыс хаттары және ақшалай сыйлықтар мен марапатталды!
Колледж қызметкерлері арасында бұқаралық спортты дамытуға бағытталған осындай шаралар біздің денсаулығымызды нығайтып, бірлігімізді арттырады!
Қатысқан барлық командаларға ризашылығымызды білдіреміз, келесі сайыстарда да жеңіс тілейміз!

АКТЮБИНСКИЙ КОЛЛЕДЖ ТРАНСПОРТА, СВЯЗИ И НОВЫХ ТЕХНОЛОГИЙ - ЖАРЫСҚА ЖҰМЫЛДЫРҒАН КУБОК