АҚТӨБЕ КӨЛІК, БАЙЛАНЫС ЖӘНЕ
ЖАҢА ТЕХНОЛОГИЯЛАР КОЛЛЕДЖІ

МЕНЮ

Жастардың қоғамдық қызметі: Мүмкіндіктер мен жауапкершілік»

: Жарияланды 20 Ақпан 2025

Жастардың қоғамдық қызметі: Мүмкіндіктер мен жауапкершілік»
⚖️ Құқық бұзушылықтың алдын алу, буллингпен күресу және жастардың қауіпсіз ортада дамуына бағытталған кеш өтті!
Ақтөбе көлік, байланыс және жаңа технологиялар колледжі «Тасымалды ұйымдастыру және автоматика» бөлімінің ұйымдастыруымен өткен бұл шарада жастардың қоғамдық қызметі, жауапкершілігі мен құқық бұзушылықты болдырмау мәселелері талқыланды.
Кешіміздің мақсаты — жастарға дұрыс бағыт көрсету, құқықтық сауаттылықтарын арттыру және колледжімізде қауіпсіз орта қалыптастыру.
🔑 Спикерлер:
1. Артыгалин Самғат Жанболатұлы – Облыстық жастар ресурстық орталығының басшысы
2. Тыныштық Алишер Өнерұлы – «AMANAT» партиясы жанындағы «Жастар Рухы» жастар қанаты Ақтөбе облыстық филиалының төрағасы
3. Әзиев Артур Ізіметұлы – Ақтөбе облысының жасыл ел жастақтары төрағасының орынбасары
Спикерлер жастарды сапалы білім алып, кәсіби маман болуға, құқық бұзушылықтан аулақ болып, еліміздің болашағын бірге құруға шақырды.
Кеш қонақтары колледжіміздің техникалық базасымен танысып, пән оқытушыларымен пікір алмасып, жастар саясаты бойынша бірлесе атқарылатын жұмыстар туралы әңгімелесті.
Әрбір жас — біздің болашағымыз, ал олардың жауапкершілігі мен білімдері ел дамуының кепілі!

Білім алушылар арасында қызықты және танымды брейн-ринг интеллектуалды ойыны өтті!

: Жарияланды 18 Ақпан 2025

📚 Бүгін, 18.02.2025 ж., Колледж кітапханасының оқырман залында білім алушылар арасында қызықты және танымды брейн-ринг интеллектуалды ойыны өтті!
Ойынның тақырыбы “Заңды білу -басты парызымыз”. Бұл іс-шара тәрбие жұмысы бөлімінің ұйымдастыруымен өтіп, жастарға заңды білім алу мен оны өмірде қолданудың маңыздылығын ұғындыруды мақсат етті.
💡 Ойын нәтижелері бойынша: 🏆 I орынды -РЭТ-11 тобы, II орынды - АСУ-11 тобы, III орынды -Т-11 тобы, IV орынды -Э-11 тобы иеленді!
Қатысушыларға үлкен алғыс білдіреміз және алдағы уақытта да осындай қызықты әрі пайдалы шараларда бірге боламыз!

Mамандықтар апталығы «Қазақстанның темір жол көлігіндегі технологиялық инновациялар: тиімділік пен қауіпсіздікке Жаңа жол» тақырыбында техникалық конференциясы және «Теміржолшы – тапқырлар» викторинасымен жалғасты.

: Жарияланды 18 Ақпан 2025

Техникалық конференцияда арнайы пән оқытушылары Бондаренко Н.Ю., Ахметова Г.Т., Айчанова Д.А. өз баяндамаларымен бөлісіп, темір жол саласындағы жаңа инновациялар мен технологиялар туралы ақпараттар жеткізді. Техникалық конференция қонақтары Жұбанов Н.Е. – ПҚБО поезд диспетчері, Абдуллаев Ж.М. - Ақтөбе вокзалының ақпараттық жүйелер электромеханигі өз салаларындағы жаңа инновациялар таныстырып ақпарат берді. Студенттердің білімін, іскерлігі мен дағдыларын жандандыру, білімді кеңейту және жетілдіру мақсатында арнайы пән оқытушылары Тажбаева Г.А., Аменова Г.О. студенттермен викторина өткізіп, керемет көңіл күй сыйлады.