АКТЮБИНСКИЙ КОЛЛЕДЖ ТРАНСПОРТА,
СВЯЗИ И НОВЫХ ТЕХНОЛОГИЙ

МЕНЮ

КОЛЛЕДЖДЕ ПАТРИОТТЫҚ РУХАНИ КЕЗДЕСУ ӨТКІЗІЛДІ

: Опубликовано: 14 октября 2024

Бүгін Ақтөбе көлік, байланыс және жаңа технологиялар колледжінің мәжіліс залында «Спорт жұлдыздары» республикалық журналының бас редакторы, Қазақ Спорт және туризм академиясының құрметті профессоры, Қазақ журналистикасының қайраткері Мусағали Тасқалиевтің колледж студенттерімен TED х форматында кездесуі болып өтті.
Кездесу барысында Мусағали Сабырғалиұлы өзінің шығармашылығы және патриоттық бағытта атқарып жүрген істері туралы кеңінен баяндап берді. Білім алушыларға ой салатын өлеңдерін оқып, қойылған сұрақтарға жауап берді.
Кездесуге құрметті қонақ болып келген патриоттық бағыттағы әнші-сазгер, ҚР Еңбек сіңірген қызметкері Орынгүл Исмағұлова өз кезегінде кеш иесінің сөзіне жазылған «Бауыржан батыр» және «Менің атам майдангер» әндерін орындаса, Технологиялық процесстерді автоматтандыру және басқару мамандығының 2 курс студенті Ажар Кәрімбай Мусағали Тасқалиев пен Орынгүл Исмағұлованың, Мәскеуде өткен «Родина Подвига-Родина Героя» халықаралық патриоттық әндер байқауының жеңімпазы атанған, Халық Қаһарманы Хиуаз Доспановаға арналған «Қанатты қыз – Хиуаз» әнін шырқады.
ұйымдастырушы-педагог Бекзат Қаумешов кеш соңында қонақтарға ризашылығын білдіріп, жас ұрпаққа патриоттық тәрбие беру жолында атқарып жүрген істеріне сәттілік тіледі.

«Ы.Алтынсарин» төсбелгісі иегерлері

: Опубликовано: 07 октября 2024

4 қазан күні облыстың Ұстаздар күні мерекесіне орай өткізілген «Қалдырған ізің мәңгілік» атты шарада облыс әкімі А. Б.Шахаровтың қабылдауында болып,облыстың бір топ үздік ұстаздары марапатталды.
Ақтөбе көлік, байланыс және жаңа технологиялар колледж педагогтері Нурмышев Кайрат Куанышевич, Жубаниязова Ляззат Абзаловна «Ы.Алтынсарин» төсбелгісімен, Жалмагамбетова Гулзада Ажимбаевна «Облыстың үздік педагогы» төсбелгісімен марапатталды. Құттықтаймыз!

КОЛЛЕДЖ ҰСТАЗДАРЫНА ҚҰРМЕТ КӨРСЕТІЛДІ

: Опубликовано: 05 октября 2024

Бүгін, колледж мәжіліс залында ұстаздар күні мерекесіне орай «Ұстаз мерейі» салтанатты кеші өткізілді.
Мерекелік кеште жас ұрпақ тәрбиесі мен кәсіби білім берудегі еңбектері үшін бірқатар оқытушылар Оқу ағарту министірінің, облыстық білім басқармасының, «Өрлеу» біліктілікті арттыру ұлттық орталығы Ақтөбе облыстық филиалының құрмет грамоталары, алғыс хаттарымен марапатталды.
Салтанатты шарада ұстаздарына арнап колледж өнерпаздары мерекелік концерттік бағдарлама ұсынды.
Мерекелеріңізбен аяулы ұстаздар!