Бүгін, Ақтөбе көлік, байланыс және жаңа технологиялар колледжінде «Үлкендер жолы, ұлылық-ұрпағы жүрер ұғынып» тақырыбындағы мерекелік кездесу кеші ұйымдастырылды.
Ұзақ жылдар кәсіби техникалық білім саласында, жас ұрпаққа саналы тәрбие сапалы білім беріп, абройлы еңбек еткен, зейнеткер колледж ардагерлері мерекелік кездесу кешіне арнайы шақырылды. Білім ордамыздың бүгінгі заманауи келбетімен тыныс-тіршілігімен танысқан ардагер ұстаздар, өздеріне ерекше ыстық талай шәкірттерін маман атандырып ұшырған оқу бөлмелерін, колледж мұражайын аралап, әсерлі естеліктерімен бөлісті. Колледж мәжіліс залында ұйымдастырылған мерекелік концертті тамашалауға жиналған колледж ардагерлерін құттықтап, игі тілегін арнаған колледж басшысының міндетін атқарушы Идрисов Кадірбек Жәнібекұлы Қазақстан Республикасының Оқу-ағарту министірінің алғыс хатын салтанатты табыстады. Мерекелік дастархан басына жиналған мәртебелі қонақтар оқу процесі барысында, тәрбие жұмыстарында колледждегі әріптестеріне кеңес, көмек беруге әрдайым өздерінің дайын екендіктерін айтып, колледж басшылығына алғыстарын айтып, ұжымға батасын берді.
