Ақтөбе көлік, байланыс және жаңа технологиялар колледжінде “Ақтөбе-Дарын”
өңірлік ғылыми-тәжірибелік
қосымша білім беру орталығымен бірлесе техникалық және орта кәсіптік білім беру ұйымдарының білім алушылары арасында “Мерген ару-2024”, “Мерген сарбаз-2024” пневматикалық мылтықтан нысана көздеп ату жарысы өткізілді.
Екі күнге созылған сайысқа облыс және қаламыздағы 17 колледжден 17 әскери жетекші, 4 төреші, 85 қызбала және 34 ер бала қатысты.
Әскери спорттық, патриоттық тәрбие беруді, саяси мәдениетті насихаттау, жастарды Отан қорғауға дайындау мақсатындағы жарысқа арнайы шақырылған қонақтар бас төреші Ақтөбе қаласы, білім бөлімі BILIM-QAZYNA коммуналдық мемлекеттік мекемесінің әскери дайындық және азаматтық қорғаныс саласының маманы запастағы капитан Сраж Серік Аманжолұлы, №55 орта мектеп- гимназия Алғашқы әскери және технологиялық дайындық пәнінің мұғалімі Садықов Асқар Умиртайулы, №42 орта мектеп Алғашқы әскери және технологиялық дайындық пәнінің мұғалімі Үмбеталин Асқар Бабырашұлы, Ақтөбе-Дарын”
өңірлік ғылыми-тәжірибелік
қосымша білім беру орталығы әдіскері Имағамбетов Манас Адайбекұлы, колледж басшысының тәрбие жұмыстары жөніндегі орынбасары Абельпеисова Бақытгүл Хабдығалиқызы жарысқа қатысушы білім алушыларды құттықтап, сәттілік тіледі.
Сайыс қорытындысында жеңіпаздар мен жүлдегерлерге кубоктар мен алғыс хаттар салтанатты табысталды.
