2013-2014 оқу жылынан бастап колледж келесі мамандықтар ДОЖ енгізу бойынша тәжірибелік алаң болды:
1303000 – Темір жол көлігіндегі автоматика, телемеханика және қозғалысты басқару;
1108000 - Темір жол жылжымалы құрамын пайдалану, жөндеу және техникалық қызмет көрсету (түрлері бойынша),
1203000 – Темір жол көлігінде тасымалдауды ұйымдастыру және қозғалысты басқару.
2016 жылы төмендегі мамандық дуальды оқытуға көшірілді
0904000 «Темір жолдардың электр жүйелерін электрмен жабдықтау, пайдалану, техникалық қызмет көрсету және жөндеу».
2022 жылдан бастап 07140800 «Темір жол көлігіндегі жедел технологиялық байланыс құрылғыларын пайдалану» мамандығы дуальды оқытуға ауыстырылды.
Дуальдық жүйе бойынша 27 оқытушы шет елдерде (Сингапур, Финляндия, Шотландия, Беларусь, Малайзия, Германия, Ұлыбритания) білім алды.
ДОЖ негізгі әлеуметтік серіктестері болып табылады
- «Қазақстан темір жолы» ЖШС - Жүк тасымалы «Батыс»,
- «ҚТЖ» ҰК» АҚ филиалы – «Ақтөбе сигнализация және байланыс дистанциясы»,
- «Қамқор Локомотив» ЖШС «Ақтөбе локомотив жөндеу депосы» филиалы,
- «Ақтөбе электрмен жабдықтау дистанциясы».
- «Транстелеком» АҚ Ақтөбе қаласындағы филиалы «Ақтөбетранстелеком».
ДОЖ бойынша өндіріспен байланыс:
- Кәсіпорын тағылымдамадан өтушілерді кәсіпорында еңбекті қорғау және қауіпсіздік техникасы бойынша білімдерін тексеру арқылы қауіпсіздік техникасы бойынша оқытуды бастамас бұрын оқыту-нұсқауды ұйымдастырады;
- Кәсіпорын колледжмен бірге оқу бағдарламаларын, жұмыс оқу жоспарларын және пәндердің/модульдердің оқу жоспарларын бірлесіп әзірлеуге қатысады.
- Кәсіпорынның басшылары, бас мамандары Мемлекеттік біліктілік комиссиясының жұмысына, білім алушылардың ағымдағы қорытынды аттестациясына қатыса отырып, түлектердің дайындық деңгейін бақылайды.
- Кәсіпорынның басшылары, бас мамандары кәсіптік дайындық деңгейін бағалау және жұмысшы мамандықтары бойынша колледж түлектеріне біліктілік беру рәсімін ұйымдастыруға және өткізуге қатысады.
- Өндірістік оқыту шеберлері мен арнайы пәндердің оқытушылары көліктің желілік бөлімшелерінде оқытылады, жаңа технологиялармен және жабдықтармен танысады, бұл кәсіби құзыреттілік деңгейін үнемі жетілдіріп отыруға және студенттерді сапалы және білікті дайындауға мүмкіндік береді.
